الأحد، 01 أغسطس 2021 - 10:12 ص

نشرت الفنانة هالة صدقى  صورة لوالدتها فى ذكري وفاتها ، عبر حسابها الشخصي بموقع التواصل الاجتماعى «إنستجرام» وعلقت هالة صدقي: «زي النهارده ست الستات وجميلة الجميلات راحت مني، بس بما إني متأكدة أنها في أحسن مكان فأنا سعيدة لها، بس وحشتني قوي.. الله يرحمك يا أجمل أم».
 

يذكر أن هالة صدقي كشفت عن تفاصيل قضية زوجها ومتابعتها في الوقت الحالي لـ قضية النفقة، وقضية الطاعة.

ولفتت هالة صدقى، إلى أن الديانة المسيحية لا يوجد فيها طلاق، وعلى الرغم من ذلك كتب زوجها عبر مواقع التواصل الاجتماعي أنه طلقها، وتابعت:«مفيش في المسيحية طلاق بس زوجي طلع على السوشيال وقال ليا أنت طالق».


 
وأكدت هالة صدقى، أن زوجها لا يمتلك مسكن في مصر، وعندما تزوجها عاش معاها في منزلها، وتابعت:«لما اتجوزنى اتجوزنى في بيتي وعاش على فرشتي .. ملهوش بيت في مصر ..أنا نفقتى 8 آلاف جنيه في الشهر ومش بتدفع.. دفع الدفعة الأولى منها فقط لأنه كان عاوز ينزل مصر.. هو عاوز فلوس وطلب مني أنى اتنازل عن حاجات».


 
وأشارت هالة صدقى، إلى أنها أبلغت النائب العام أن زوجها يقوم بنشر مستندات مزورة عبر السوشيال ميديا، ناصحة الصحفيين بعدم الانسياق خلف ما ينشره، وتابعت:«مين اللي هيورط في الحاجات دى.. الصحفى اللي بينشر.. هو نزل مصر 22 يوم ولم يسأل عن أولاده .. هو مستخدمهم سلاح».

واستطردت هالة صدقي: «لما انت معاك مستندات زي ديه مقدمتهاش في المحكمة ليه!، لما أنا وحشة كده مش طلقتني من بدري ليه!، لما العيال ديه مش عيالي إنت مخدتهمش ليه!، مصرفتش عليهم ليه!، انت لما نزلت مصر 20 يوم مرفعتش سماعة على العيال ليه!».

وأردفت: «عندي تسجيلات بصوته تجرح عيالي بس أنا مقدرش أقولها .. أنا بين نارين، إني أنا أنشر التسجيلات ديه وأرد وهبقى كده بجرح عيالي، وبين إني أسكت ومش أرد رغم إني بقالي 7 سنوات بتشتم، فأنا كده هموت».

واختتمت هالة صدقي قائلة: «إزاي أب يتحكم في أطفال بالطريقة ديه، ولما يكونوا أبطال في الألعاب الرياضية، ولكن يتمنعوا من السفر خارج مصر، ويتمسكوا في المطار زي المجرمين في وسط أصحابهم، عشان والدهم عاوز كده».

وناشدت الفنانة القضاء، بالإسراع في إصدار الأحكام، وتطور القوانين الخاصة بالأحوال الشخصية.

اقرأ أيضا |أمير كرارة لـ«هالة صدقي»: أجدع ست في الدنيا